20141129 青春猶如方糖

2003年有一套港產電影，名叫《六樓后座》，先值得留意當時的林嘉欣是我最喜歡的林嘉欣，比起男人四十的她，更合24歲的我口味。當中有一個經典的讀白，由阿旦讀出，值得慢慢細味。

「青春猶如方糖, 係嗎?
有棱角o既，易碎o既，荒唐o既，甜蜜o既...

呢種甜蜜，係要親身用舌尖o既熱量先至能夠融化，能夠品嘗
你總唔能夠隔岸觀火

人生總會有咁樣o既一個階段
一個做乜野都快樂的階段
一個講乜野真誠的階段

佢地可笑，也可愛
笑佢地，皆因我地曾經荒唐過
愛佢地，因為我地亦都曾經甜蜜過」

自從出來工作後，人似乎就開始失去青春的徵號

會不會問問自己，你生活會猶如方糖有棱角、易碎、荒唐、甜蜜嗎?
幾個形容詞居然愈來愈遠離自己。

似乎今日對人生的味覺都可能因為各種原因，導致長期麻痺，呢種甜蜜有多少人到三四十歲還有? 再說 : 一個做乜野都快樂的階段，一個講乜野真誠的階段，這個形容可能到今日聽起來似天堂又烏托邦，但我們17 , 8歲一定經歷過。

去到今天，又有多少人可以完全地真誠，你又不會當佢硬膠一件?

從前玩「真心話大冒險」，跟任何人玩上來，感覺似是食生菜，但換到今日，是不是還會有心情堅持參與這個遊戲? 還是今日的我們跟朋友已經在追求另一種的交往?

青春，可笑也可愛一點沒有錯。