美國加息造就美元愈來愈強勢，愈來愈多新興市場貨幣頂唔住美元偏強，如上年阿根廷取消外匯管制，阿塞拜疆馬同美元脫鈎，俄羅斯甲見油價暴跌用外匯儲備頂盧布跌價，但發覺唔對路任由佢貶值，各國先後兌美元大幅貶值，講緊有4成到一半。
同時中國人仔都不斷貶值，返到2009年的水位，有傻佬講兌價跌1%，出口升2%，http://www.mpfinance.com/htm/finance/20160113/columnist/en81_en81.htm
寫既人都白痴，點解? 巴西2013年到今日貶值100%，但經濟就好似佢係世界杯表現咁一沉不起。
以今時今日的中國，已經不是政治經濟的問題，亦都唔係開下水喉就可以了事，而係面對美元強勢，國內資本不斷流出，而同時國內消費無增長，再加上對外貿易不見有起息，所有資本陰下陰下咁跌，整個中國就不再可以行過去20年行之有效的「上壓右疏」，當中國佬發現佢地放係發展經濟既精力得唔到昔日輝煌的成果，好快中國又會係管治上出現問題。
去到今日，大陸人自己都唔buy中國先係個大問題，13億人口既需要係非常大，除左美國市場可以相比，根本無一個國家有咁大內需，最衰就係內地人國產野唔買，寧願買外國野(食物、日常用品仲有我果行保險)，有錢既人仲不斷用方法將資本轉移到國外，咁既破局都唔知頂到幾時。
去到今日道指由18000去到16500，會不會插一插就再打返上呢，可以留意近年美國公司發債回購自己公司發行股票，股價企硬返，但代表佢地唔想比人趁低價惡意收購，上升空間無咩。
經濟就係我地拎住張$20去斬$20燒味，叉燒佬又去買$20菜心，菜心婆又去用20蚊係超市買公仔面，張廿蚊已轉咗三次手，愈轉手轉得快，經濟愈見繁榮。
但係今日全世界都發現需求無一個大增長，不見有新野買同用，需求被人玩到又乾又殘，只係度用透支未來(分期、借貸)、玩浪費(年年出下新款)，咁樣推唔到經濟
當美國要用財技向世界輸出美元(QE)，佢一樣可用財投收返哂美元(加息、出口平價石油)，咁樣佢安然可以係世界上獨佔鰲頭，做一哥。
