寫作之因


Wednesday, July 2, 2014

20140701 7.1 每一個上街既人其實都好叻呃自己。


係7.1 每一個上街既人其實都好叻呃自己。
我咁評語無貶意,或者聽埋先。

我地會以為真普選會按時出現。
我地會以為白皮書會狠狠地收回。
我地會以為政府會聆聽我地叫口號。
我地會以為我地黎緊既香港未來會更好。
我地會以為fb share 張相可以顯示到我地幾關注香港。
我地會以為其他人會被我地感染去相信今日政府有佢自己政治agenda。


實情係政府用了9,2000這個數字去告訴我地行到身水身汗,滿懷熱誠都係無差用。但幾辛苦,如果值得做有得唔做咩? 有人會放棄救愛的人,應該不會吧? 你確定這樣下去我們孩子會過得好?

你問我,會唔會開始有少少驚個政府,我都唔係出身優越的人,只是個公屋仔,識既野只限讀果既書同做緊既野,但原來都好夠,你看甘地、馬丁路德金到今天那個黃之鋒的青年人,佢地同我地做既野都係一樣,只係簡單地把不滿的事撥亂反正。如果一日你屋企引而自豪的書架比阿媽把全部書變成同一個諗法既書,睇得多長遠危害自己,你都會掉走佢,放返其他書掛,那怕你幾明阿媽係阿媽。

我地不應該用fb消費左我地洶湧澎湃既生命力 !
我地仲有好多好多事情要做,至少今日我發現我原來仲有好多空間 !

雖然我地用了一整天去呃自己,但我地仍選擇相信大家做緊既野好有意義,我仍然選擇相信一天香港走返我們大家希望的方向。

或者最後一日我們會輸,仲要輸到入哂肉,但由92000依個數講返公投違法,仲要暴力通過惡法令我覺得依個對手好廢,唔去同佢打過係一種侮辱。

今晚用我一生人最敬重的偉人之一Mother Teresa去鼓勵自己及身邊的人 ,「上帝召喚我不是要我變得成功, 而是要我成為信實。」如果一個人甘心為利益妥協,把世上最美好的價值都置之不理,那是他個人的選擇,而不是值得鼓勵而稱讚的做法