20130712 財策過程的對話(一)

PACO : 講到依到，你想做幾大額人壽?

客人 : 係唔係話依個xx萬(佢4年年薪)

PACO：依個要問自己，客觀立場唔代表你，用年薪去計只係好理性optimistic咁幫助你諗，最重要你感覺係點?

客人：我覺得可以再少d，不如xx萬(佢2年年薪)啦，一個月大約幾多錢?

PACO：等等(按按ipad)，係3%你月薪，但依個數夠唔夠照顧你屋企人到你預期既時間?

客人：我諗應該都夠，都有成xx萬啦。

PACO：不如換下一個問法，假設你有一日比車車死左，好唔好彩真係救唔返，如果你係你丫媽，你會向個司機追討幾多錢作為賠償?

客人諗左一陣，我又望住佢

客人：100萬，都唔應該太多。

PACO：咁我想問少d得唔得?

客人：唔得我條命點會係咁賤呀?

PACO：好，咁我fix左amount 係100萬，之後再諗儲蓄成分佔幾大，咁會唔會易明d?

有時一個人第一次要買份人壽，除左考慮好客觀睇家人的需要，個人對家人的情感同自我價值先至是決定因素

PACO : 唔知你返屋企之後諗成點? 有無咩新idea?

客人：我問左其他fd，佢地供緊既plan係四百蚊，點解我個係六舊水

PACO：清唔清楚佢地既plan內容?

客人：都係人壽危疾醫療，係咪佢地平d，你係咪呃我: P

PACO：明白哂，如果我要昆，仲要明知你會搵人比較，都仲叫你返屋企諗，你覺得我係咪傻。個銀碼分別，我打個比喻，你幻想你同佢都係供張buffet禮券，不過你依家係有更好條件，你拎住既buffet禮券如果真係無機會食，可以比返原價再加利息比返你，而你個fd買左之後無論有無機會食，佢一分一毫都唔會拎得返錢，咁你係咪著數好多?
客人：又係，但好似好貴。
PACO：如果你依家入銀行入錢，入一百蚊同五百蚊邊個叫貴D?

客人：唔會咁叫。

人住住害怕做錯決定，怕做左蝕底的事，所以比較是好合理，搬數字解答的確有用但難以消化，因為客人需要的是聽得明的語言，而不是一個令自己顯得蠢的意見。

PACO：你睇完個比較table，會唔會幫到你多d?

客人：都知公司大，但我仲想睇下其他公司，唔係我都唔會如係你度買基金。

PACO：通常有野唔確定我都明，但我都提多點睇你buy 唔buy，會唔會依個世界有一間保險公司以本傷人? 應該唔會，因為佢長遠一定倒閉收場，如果一個產品太進取，市場係會受落，但佢個pool會好易流走哂d錢，對pool既其他人同公司都好蝕底。再者世上如果真係有個無敵product，市場一定傾斜左去一邊，但事實係個market各佔一方，但大公司因為pool size大而有著數，例如分紅會比較穩定同多，保障coverage會比較進取，所以我先會入間比較大既公司，因為我都唔會想搵間細野買重要既野啦。
客人：咁又係，但唔知有無再正d，想聽多d。
PACO：你又岩，市場有十間公司，最好就係聽哂佢地講一次，你日日都花時間去見佢地，可能你到時仲熟過我，因為我都無可能知哂所有公司既所有plan，但我怕你無咁多時間，而且市場永遠都愈出愈正，除非你經常upgrade去最新，好似買電話追新款咁，再唔係你唔買等你知道幾時有事前先買就真係最正，但係做risk  management就係唔知佢幾時有野發生。

都係三樣野要諗，1. 公司得唔得? 2. 計劃岩唔岩 3. 我同你夾唔夾

客人：咁我又真係要買，好啦就依個。
客人有時會有一些期望，我習慣用不合理的假設去給予客人知道自己的期望是不合理，勇氣是需要，但需要一些智慧。